मिडिया एनपी, काठमाडौं, ७ बैशाख । नायक आर्यन सिग्देल हिजोआज तनावमा छन् । बालबालिका अध्ययन गर्न विद्यालयमा आफ्नो पिता पढ्न जाने थालेपछि नायक सिग्देल तनावमा परेका हुन् । बृद्ध भएपछि पिता विद्यालय जाने थालेको घटनाले समाज र आफ्ना साथीभाइहरुको बीचमा बेइज्जत भएको महसुस गरेका नायक सिग्देल तनावमा परेका हुन् । तर, स्मरणरहोस् नायक आर्यनको यो वास्तविक जीवनमा नभएर अभिनय जीवनको घटनाको हो ।

दोहोरो भूमिका देखिएका आर्यनको यो घटना चलचित्र ‘होम वर्क’मा घटेको हो । सो चलचित्रको सार्वजनिक गरिएको ट्रेलरमा पनि नायक सिग्देलको सो भूमिका देख्न सकिन्छ ।

उद्धव पौडेलको प्रस्तुतमा निरक पौडेलले निर्देशन गरेको सो चलचचित्र निकिता पौडेल, निरज पौडेल र निरक पौडेलले नै निर्माण गरेका हुन् ।
शिवम अधिकारीले कथा लेखेको होम वर्क आउँदो जेठ ७ गते रिलिजको तयारीमा रहेको छ । सो चलचित्रमा आर्यन सिग्देल, गौरी मल्ल, नम्रता श्रेष्ठ, विजय लामा, जिपी तिमिल्सना लगायतका कलाकारको अभिनय रहेको छ ।